Рухаешся па вуліцы кароткімі і хуткімі перабежкамі, сядзіш дома і баішся выйсці на мароз? Бяздзейнічаеш? Нашы ж продкі ведалі, што іх жыццё залежыць ад іх дзеянняў, таму выходзілі на вуліцы шыхтамі і гналі маразы ды гукалі Вясну.

ГА «Таварыства беларускай мовы імя Францішка Скарыны» і Дзяржаўная ўстанова «Нацыянальны гістарычны музей Рэспублікі Беларусь» запрашаюць усіх ахвотных прыняць удзел у рэспубліканскай навукова-практычнай канферэнццыі «Сучасны стан беларускага краязнаўства і валанцёрскі рух», якая адбудзецца ў Мінску 16 сакавіка.

Далучайцеся!

ГМКГА "Талака" і грамадская арганізацыя Белфільм шчыра запрашаюць усіх аматараў якаснага і сучаснага дакументальнага кіно 15 лютага ў Славянскую бібліятэку.

Вас чакаюць кінастужкі "Крывавы след" і "Тры кіламетры да неба".

Прыходзьце самі і запрашайце сяброў!

;)

Публічная лекцыя па творчасці найвядомейшага беларускага паэта з пакалення 70-х адбудзецца 12 лютага ў Гомелі.

Сваімі развагамі на тэму "Андрэй Хадановіч - кашчуннік ці разбуральнік куміраў?" будзе дзяліцца слынны гомельскі бард Андрэй Мельнікаў.

Неардынарная асоба, неардынарны лектар, неардынарная тэма!

Прыходзьце, не пашкадуеце!

Ня так даўно былі падведзеныя вынікі першага беларускага тэматычнага фотапалявання "ТУТ вам не ЗДЕСЬ!", якое ладзіла ГМКГА "Талака".

Шэраг прац быў уключаны ў адмысловы фотакаляндар, а сама фотавыстава была ўрачыста адкрытая 29 снежня з удзелам беларускага гурта "DALI".

У межах дадзенага праекта ўдзельнікам трэба было па-новаму паглядзець на звыклы ўсім нам горад і ўбачыць у ім нешта што вылучае нас сярод іншых, нешта, што робіць нас адметнымі.

Без песні – хоць трэсні!

Прыказка

У 1929 годзе, калі кожная краіна свету выбірала сабе музычны інструмент-сімвал, праз чый вобраз вызначаліся б рысы самой краіны і яе жыхароў, беларусы ў якасці “апякункі” сваіх інтарэсаў выбралі дуду. Пасля на некаторы час наша апякунка знікла з гістарычнай сцэны.

Ды толькі не маглі дапусціць яе поўнага адыходу ў нябыт неабыякавыя да яе гучання людзі! 28 студзеня ў гомельскім Гарадскім цэнтры культуры на Свяце дуды ўрачыста віталі жыхароў горада гурты сярэднявечнай музыкі “Testamentum Terrae” і “Стары Ольса”.

З нядаўняга моманту ў Гомелі на прыпынках грамадскага транспарту з’явіліся афішы з нагоды адкрыцця тэматычнай фотавыставы “Тут вам не здесь!” і канцэрта выбітнага гурта "DALI", што мае адбыцца 29 студзеня ў клубе “Сім–сім”.

Але хто б мог уявіць, што застанецца ад першапачатковага макета афішы (трэба заўважыць зацверджанага абодвума бакамі) пасля цэнзуравання!

Некалькі тыдняў таму ў Гомелі ладзіўся конкурс беларускай каляднай песні “Каляда, калядзіца, добрая маладзіца!” ў філіяле Веткаўскага музея народнай творчасці. Паміж сабой супернічалі выканаўцы і калектывы розных сярэдніх агульнаадукацыйных школ Гомеля.

Ад святочнага каляднага духу, што панаваў у філіяле, ды ад дзіцячых усмешак сыходзіла хваля пазітыву, аднак напрыканцы конкурсу стала прыкра. Хацелася плакаць і біць у набат: “Людзі, што ж вы робіце з беларускай культурай?”.

Ты ўпэўнены, што ўсё цікавае ў жыцці адбываецца дзе заўгодна, але толькі не ТУТ? 

Ты прызвычаіўся бавіць свае выходныя завісаючы ў нэце альбо перад тэлекам?

ПРАДЗЯРЫ ВОЧЫ ДЫ АЗІРНІСЯ НАВОКАЛ - нават самыя звычайныя на першы погляд рэчы могуць стаць вынаходніцтвам!

Ня верыш? Тады пераканайся ў гэтым сам 29 студзеня. Менавiта у гэты дзень адбудзецца прэзентацыя творчых вынікаў першага ў жыцці Гомеля патрыятычнага фотапалявання "ТУТ вам не ЗДЕСЬ!". Вечарына адбудзецца з удзелам выбітнейшага мега-гурта "DALI" (чакаецца паўакустычны драйв).

Як сведчаць назіранні неабыякавых людзей, у нашым горадзе спрабуюць рабіць рэкламу на беларускай мове, у той ці іншай ступені  арыгінальную і якасную. У Гомелі вы можаце пабачыць беларускамоўныя білборды фабрыкі “Спартак”, крэатыў ад нямецкай маркі “Condor” у выглядзе налепкі на дзвярах крамы ці проста пазітыўныя, патрыятычныя і ў той жа час непалітызаваныя білборды, якія радуюць вока.

Аднак у беларускамоўных надпісах нашага горада нярэдкія і хібы.

Шаноўныя удзельнікі фотатрэнінгу і аматары фота!

Да 12 студзеня ў вас ёсць магчымасць даслаць свае фатаздымкі для ўдзелу ў  фотавыставе "Тут вам не здесь!", што адбудзецца напрыканцы студзеня.

Сапраўдная аўтэнтычная калядная песня будзе гучаць у цэнтры Гомеля каля філіяла Веткаўскага музея 7 студзеня. У гэты дзень адбудзецца фестываль народнай каляднай песні, на якім кожны гамяльчук зможа зацаніць сапраўдную прыгажосць народнай каляднай песні і патанчыць пад вясёлыя гукі дуды.

ГМКГА "Талака" шчыра віншуе ўсіх з Новым годам і гарантуе, што ў 2012-м ніякага апакаліпсісу ня будзе!

А як усім вядома наступны год будзе годам цмока па кітайскім календары і ў сувязі з гэтым "Талака" прапаноўвае лічыць яго ГОДАМ БЕЛАРУСКАГА ЦМОКА!

Хопіць падпарадкоўвацца кітайскаму дыктату, нашыя цмокі нічым ня горш!

;)

У пераднавагодні час усе школы нашага горада ужо шмат год запар упрыгожваюць свае вокны разнастайнымі ўпрыгажэннямі і фігурамі з паперы.Часцей за ўсё гэта розныя камбінацыі і варыянты сняжынак, Дзядоў Марозаў або казачных персанажаў.

У школе № 19 у гэтым годзе вырашылі падыйсці да афармлення як заўсёды крэатыўна і звярнуліся ў сваіх упрыгажэннях да нацыянальных матываў.

“Звон звініць, звон звініць,

Звон звініць званчэй,

Не знайсці ў цэлым свеце

Тых званоў грамчэй…”

Jingle Bells у пер. А. Хаменкі

Ну вось, здаецца, і дачакаліся снега. Свята Пакроваў Багародзіцы, на якое ў народзе і ўскладваюць надзеі, пакрыла зямліцу сняжком, а дзявіцу платком. Час зімовых святаў! А каб раскрыць, якія ж святы прыхавала для нас чараўніца Зіма, філіял Веткаўскага музея народнай творчасці імя Ф.Р. Шклярава г. Гомеля падрыхтаваў выставу “Магія зімовых святаў”. Рушым наперад – за карыснай інфармацыяй!

Адна справа – музыка, якая можа

перадаць эмоцыю, і зусім іншая –

 эмоцыя, якая імкнецца

выдаць сябе за музыку.

Х. Картасар

Кожны чарговы лісток што мы адрываем ад календара набліжае нас да Новага года, да святаў, у рэшце рэшт. Трэба, аднак, заўважыць, што каталіцкае насельніцтва Беларусі 25 снежня ўжо адсвяткавала Раство. У сваю чаргу гомельскі касцёл Раства Прэсвятой Дзевы Марыі павіншаваў людзей канцэртам класічнай музыкі, які штогод рыхтуюць да святаў Раства і Вялікадня ўдзельнікі інструментальнага аркестра пад кіраўніцтвам Таццяны Томсан.

Філіял Веткаўскага музея народнай творчасці ім. Ф.Р.Шклярава запрашае ўсіх наведаць 16 снежня адкрыццё выставы "Магія зімовых святаў".

Дакраніся да сапраўднага беларускага свята!

Прыходзь сам ды запрашай сяброў!

;)

ГМКГА “Талака” шчыра запрашае ўсіх ахвочых прыняць удзел у незвычайным фотатрэнінгу і тэматычным фотапаляванні, што адбудзецца 18 снежня ў Гомелі, а таксама фотавыставе “ТУТ вам не ЗДЕСЬ”.

Мы дапаможам раскрыць у кожным ахвотным талент фотамастака, патрэніраваць крэатыўнае мысленне ды проста цікава пабавіць час.

Ня трэба быць профі ў фотаздымцы, дастаткова быць уважлівым і актыўным.

Твой час надыйшоў!

;)

15 снежня ў Гомелі адбудзецца прэзентацыя апошняга перавыдання "Расійска-беларускага слоўніка" Сцяпана Некрашэвіча і Міколы Байкова з удзелам навуковага рэдактара, к.ф.н. Сяргея Запрудскага (БДУ) і спецыяліста па гістарычнай лексікаграфіі, к.ф.н Ірыны Савіцкай (БДУ).

Згодна з талакоўскай традыцыяй святкаванне кожнага юбілея "Талакі" суправаджаецца пастаноўкай якой-небудзь малавядомай, але цікавай п'есы беларускага драматурга.

На свае 25-я ўгодкі ГМКГА "Талака" паставіла п'есу "П.С.Х." паводле Леапольда Родзевіча.

10 снежня ў філіяле Веткаўскага музея народнай творчасці ў Гомелі адбудзецца адкрыццё выставы "Сусветнае дрэва ў беларускай народнай традыцыі".

17 снежня ў Гомелі адбудзецца другі фестываль жывой і пазітыўнай музыкі "Нашы ў горадзе". 

Не прапусціце кавалак сонечнага лета зімой!

Ніколі не кажы ніколі,

Ніколі не кажы заўжды.

Усё адбудзецца паволі,

Усё пакіне тут сляды.

Зміцер Вінаградаў

… Жыццё б’е ключом: раздаюцца загады, вось ужо дружна пачалі выразаць праграмкі ў той час, калі дзяўчаты пачалі звонка распявацца. Як-ніяк, свята сёння! Ды не абы-якое: 25-я ўгодкі Гомельскай моладзевай краязнаўчай грамадкай арганізацыі “Талака”. Неўзабаве пачынаюць падцягвацца і госці. Якая хвілінка – і дадзены старт!

11 снежня 2011 г. у Гомельскай біблятэцы імя Коласа адбудзецца творчая сустрэча з таленавітым беларускім рэжысёрам і сцэнарыстам, аўтарам шэрагу гісторыка-дакументальных кінастужак ("Адкрыты архіў", "Маем рэчы", "Лабірынты" і інш.) Алесем Матафонавым.