ГМКГА “Талака” шчыра запрашае ўсіх ахвочых прыняць удзел у незвычайным фотатрэнінгу і тэматычным фотапаляванні, што адбудзецца 18 снежня ў Гомелі, а таксама фотавыставе “ТУТ вам не ЗДЕСЬ”.

Мы дапаможам раскрыць у кожным ахвотным талент фотамастака, патрэніраваць крэатыўнае мысленне ды проста цікава пабавіць час.

Ня трэба быць профі ў фотаздымцы, дастаткова быць уважлівым і актыўным.

Твой час надыйшоў!

;)

Агульнай тэмай фотапаляванне будзе ўсё беларускае ў Гомелі, а таксама  адметнасці горада і шляхі прыўнясення чагосьці неардынарнага ў нашую шэрую штодзённасць.

Калі ты лічыш, што гэта не можа стаць сюжэтам для творчасці, мы цябе пераканаем ў зваротным!

Трэнінг адбудзецца 18.12 (нядзеля) ў будынку рэстарацыі «Надзея» (побач з «Турыстам» ), пакой 4-4

Пачатак: 10.30 - не спазняцца!

Усіх удзельнікаў чакае сюрпрыз!

Удзел бясплатны.

Праграмма сустрэчы:

10.30-13.00 – Трэнінг па асновах фотаздымання.

Трэнер - фотакарэспандэнт “БелГазеты” Вадзім Заміроўскі.

13.00-13.15 - кава-паўза

13.15-13.45 - кароткі экскурс па адметных месцах Гомеля

14.00-15.30 - фотапаляванне (выкананне практычнага задання)

16.30-17.30 - абмеркаванне фотаматэрыялаў

Умова удзелу:

- быць упэўненым,што ты пойдзеш на сустрэчу, паведаміць пра гэта і несці за словы поўную адказнасць

2)   - мець з сабой любую лічбавую фотакамеру - наяўнасць пантовай люстэркавай камеры неабавязковая!

Наяўнасць ноўтбука спросціць вам і нам працу, але небавязковая

Усе удзельнікі аўтаматычна прымаюць удзел у фотавыставе “ТУТ вам не ЗДЕСЬ!”

Для тых хто па нейкіх прычынах не зможа патрапіць на трэнінг але жадае, каб ягоны патрыятычны фотаздымак заняў сваё месца у экспазіцыі фотавыставы ёсць адзінае выйсце - фатаграфаваць і дасылаць свае працы на скрыню: Гэты e-mail абаронены ад спам-ботаў. Для яго прагляду ў вашым браўзэры павінна быць уключаная падтрымка Java-script з пазнакай "ТУТ вам не ЗДЕСЬ".

Упалюйма беларускае разам!